Yuxarıda və aşağıda

Film hündürlükdən qorxan gənc fəhlədən bəhs edir. Bu gənc, kasıb, eyni zamanda qürurlu oğlanın öz arzuları, düşüncələri var. Bütün çətinliklərə baxmayaraq, o, şəxsiyyətini, mərdliyini qoruya bilir. Fəhlə oğlanın sevdiyi qızın bahalı zinət əşyalarına, dəbdəbəli binalara baxışı ilə insanlar arasında fərqliliyi göstərilir. Tikinti sahəsində lentə alınan filmdə baş qəhrəmanlardan birini həmin tikilən binada çalışan kran ustalarından biri canlandırır. Hadisələrin gedişində gənc fəhlə kran operatorunu xilas etmək üçün hündürlük qorxusu hissini üstələməli olur.