Anamın kitabı

Ailəsi ilə mübahisə edib balıq ovlamağa gedən Əzim yoxa çıxır. Bu hadisə fərqli dünya görüşlərinə sahib, Rusiyada yaşayan böyük oğul Rüstəm, ilahiyyatçı ortancıl oğul Mirzə Məmmədəli və Türkiyədə təhsil almış kiçik oğul Səmədin bir yerə yığışmasına səbəb olur. Anaları Zəhra ərinin itkisini yaşasa da, oğullarının bir araya gəlməsində təskinlik tapır. Lakin fikir ayrılıqlarına görə bir-birlərinə yad münasibət göstərən qardaşların bir yerə yığışmağı daha böyük faciələrə səbəb olur. Filmin çəkilişləri Bakıda, Lənkəranda, Astarada, Astaranın Şahağac kəndində aparılıb. Film Cəlil Məmmədquluzadənin “Anamın kitabı” əsərinin motivləri əsasında çəkilib.