Sevinc buxtası

1920-ci il. Azərbaycanda sovet hakimiyyəti yenicə qurulub. Neft maqnatları üçün yalnız bir yol qalıb: iqtisadi blokada. Ümid yeri də birdir: müharibə nəticəsində əldən düşmüş sovetlər ölkəsi müstəqil şəkildə öz iqtisadiyyatını dirçəldə bilməyəcək. Belə bir şəraitdə Azərbaycan hökuməti qərar qəbul edir: mühəndis Potyomkinin cəsarətli layihəsini həyata keçirmək, dənizin dibindən neft çıxarmaq üçün mədən salmaq. Minlərlə adam, fəhlə-neftçilər, dağ kəndlərindən gələn əhali də bu möhtəşəm tikintiyə toplaşır. Film 2 seriyadan ibarətdir. Hər seriyasının öz adı var: “Təxribat sabaha təyin olunub”, “Əfsanənin başlanğıcı”. Film Oktyabr inqilabının 60 illiyinə həsr olunub. Mükafatlar: 1. Azərbaycan Dövlət Mükafatı - Rejissor Eldar Quliyevə, ssenari müəllifi Georgi Mdivaniyə, operator Rasim İsmayılova, rəssam Rafis İsmayılova, aktyor Əliabbas Qədirova (1978, Bakı) 2. XI Ümumittifaq kinofestivalı - “Avanqard” qəzetinin diplomu (1980, İrəvan)