Oxuyur Müslüm Maqomayev

Film müğənni Müslüm Maqomayevin yaradıcılığına həsr olunub. Filmdə Müslüm Maqomayevin "Şah İsmayıl", "Sonuncu akkord", "Mavi əbədilik", Pyotr Çaykovskinin "Yevgeniy Onegin", Cüzeppe Verdinin "Riqoletto", Şarl Qunonun "Faust", Aleksey Majukovun "Arzular, arzular", Polad Bülbüloğlunun "Bakı haqqında mahnı", " Azərbaycan", Qambardellanın "Dənizçi", Tostinin "Marekyare", Kurtisin "Gecə nəğməsi", Aarno Babacanyanın "Qar üzərində ürək", İtalyan partizanlarının mahnısı "Əlvida, sevgilim", Vano Muradellinin "Buhenvald harayı" mahnıları səslənib. Film dünyanın 85 ölkəsinə satılıb. Film Mərkəzi Televiziyanın sifarişi ilə çəkilib.