Möcüzələr adası

Film Xəzərin ortasında salınmış “Neft daşları” şəhərciyində yaşayıb işləyən neftçilərin əməyinə və məişətinə həsr olunub. Filmdə ömürlərini bu “ada”da keçirən adamların, buraya işləməyə gələn gənclərin qarşılıqlı münasibətləri haqqında söhbət gedir. Filmin çəkilişləri pavilyonda, Xəzərin sahillərində, əsasən Neft yataqlarında lentə alınıb. Dənizdə olan çəkilişlərdə süni çəkiliş metodlarından istifadə edilib.