İsmət

Təqdim edilən “İsmət” filminin işçi adı “Adətin məhvi” olub. 1934-cü ildə istehsal olunmuş səssiz Azərbaycan filmidir. Ssenari müəllifi Mikayıl Mikayılov, Qriqori Braginski, rejissoru Mikayıl Mikayılovdur. Ekran əsərinin əsasını təyyarəçi qadının həyatı və 1933-cü ildə doğmaları tərəfindən vəhşicəsinə qətlə yetirilmiş Səriyyə Xəlilovanın dramatik taleyi təşkil edir. Filmin qəhrəmanı İsmət köhnə adətlərdən irəli gələn bir çox maneələri aşaraq, ilk azərbaycanlı təyyarəçi qadın olur. Film ilk Azərbaycanlı qadın təyyarəçi Leyla Məmmədbəyovaya ithaf olunub. Bu film Azərbaycan Respublikası Nazirlər Kabinetinin 7 may 2019-cu il tarixli, 211 nömrəli Qərarı ilə Azərbaycan Respublikasında dövlət varidatı elan edilən filmlərin siyahısına daxil edilib.